Алматыда медициналық қызмет көрсету жәрмеңкесі өтіп жатыр

АЛМАТЫ. Мамырдың 11-і. ҚазАқпарат / Әділет Мұсахаев / - Алматыда Қазақстанның орта медициналық және фармацевтикалық қызметкерлерінің республикалық ІІ съезі аясында медициналық қызмет көрсету жәрмеңкесі өтіп жатыр,

деп хабарлайды ҚазАқпарат.

«Бұл жәрмеңкені ұйымдастырып отырған мақсатымыз - жұртшылықты денсаулық сақтау орындарындағы қызмет барысымен таныстырып, қандай жәрдем көрсетілетіндігі жайында мәлімет беру», дейді Алматы қаласы денсаулық сақтау басқармасының қызметкері Альмира Бердоңғарова.

Аталмыш шара барысында қан, АҚТҚ орталықтары мен тері ауруларын емдеу диспансері қызметкерлері жәрмеңкеге келген халықты ақысыз тексерістен өткізіп, жүрек -қан тамырларының қағысы мен қан құрамын тексерді.