Алматыда медициналық қызметкерлерге біліктілік санаттарын беру мәселесі талқыланды
Жиында мемлекет және қоғамдық бірлестіктер арасындағы серіктестік байланыстарды дамыту және нығайту мақсатында әкімшілік кедергілерді алу бойынша кеңейтілген бір топ мәселе талқыланды.
Басқосуда ҚР Денсаулық сақтау министрлігі Мемлекеттік санитарлық-эпидемиялогиялық бақылау комитеті төрағасының орынбасары Бауыржан Байсеркин осы салаға қатысты статистикалық мәліметтермен таныстыра отырып, қатысушылардың ұсыныс-пікірлерін тыңдады. Оның сөзіне қарағанда, бүгінде медициналық қызметкерлердің деңгейін анықтауда тәуелсіз медицина сарапшыларына қажеттілік туып отыр. «Біліктілік санаттары функцияларын ағымдағы жылғы 1 тоқсанда медициналық қызметкерлерге, бейіндік қауымдастықтарға беру тетігі қарастырылады. Сондай-ақ, ҮЕҰ-ларды бақылау және рұқсат функцияларын жүзеге асыруға алдағы уақытта мемлекеттік қызметкер емес, сарапшыларды тарту жалғасатын болады», деді Б. Байсеркин.