Алматыда Мұхтар Шахановтың шығармашылық кеші өтеді

АЛМАТЫ. 3 мамыр. ҚазАқпарат /Нәзира Елеухан/ - Алматыда 14 мамыр күні екі рет сағат 15-те және 19-да Ө.Жолдасбеков атындағы Студенттер Сарайында Қазақстанның халық жазушысы, «Түркі тілдес халықтар арасындағы ең үздік әлем ақыны» атағының иегері Мұхтар Шахановтың шығармашылық кеші өтеді.

Кешке елімізге танымал әншілері Майра Ілиясова, Алтынай Жорабаева, Тамара Асар, Жұбаныш Жексенұлы, Сәкен Майғазиев, Жанболат пен Жазира, Мирас пен Құралай, «Жігіттер», «Қоңыр», «Серілер», «Жебе», «Жасын», «До-мажор» топтары және т.б. қазақ эстрадасының белгілі әншілері қатысады.