Алматыда мұнайгаз саласына арналған халықаралық симпозиум мен көрме өтеді
АЛМАТЫ. Наурыздың 20-сы. ҚазАқпарат /Ерлік Ержанұлы/ - Алматыда наурыздың 25-26-сы күндері мұнайгазды өңдеу мен мұнай химиясына арналған 5-ші халықаралықCaspian Business Events«KazRefinEx 2010» симпозиумы мен көрмесі өтеді,
деп хабарлайды ҚазАқпарат.
Оны «Caspian Business Events» компаниясы ұйымдастырып отыр. Бұл шараға биыл Орталық Азия мен Еуропаның салалық сарапшылары қатыспақ. Онда мұнай өнімдерінің сапасын арттыру және ассортиментті кеңейту, мұнай өнімдерінің маркетингі, қазіргі заманғы жанар-жағар май стансысы, битумды қолдану, мұнайхимиясы өндірісін құру, экологиялық бақылау жүйесі жан-жақты сөз болады деп жоспарлануда. Бағдарламада іскерлік кездесулер, пікірсайыстар, техникалық симпозиум, дөңгелек үстел мәжілістері, конференция, көрме және «Refining Leaders Awards» сыйлығы еніп отыр.
