Алматыда онкологиялық аурулармен ауыратын балаларға арналған жаңа жылдық бал өтуде
АЛМАТЫ. 21 желтоқсан. ҚазАқпарат - Бүгін Алматыдағы Ritz-Carlton қонақүйінде «Мен сенімен біргемін» балалар хосписінде, Қазақ онкология және радиология ҰЗИ, Ұлттық педиатрия және балалар хирургиясы орталығында емделіп жатқан онкологиялық науқасқа шалдыққан балаларға арналған жаңа жылдық бал өтуде.
Іс-шараға әр түрлі онкологиялық аурулармен ауыратын 90 бала қатысты. Аяз ата мен Ақшақар денсаулық жағдайына байланысты мерекеге қатыса алмайтын балаларға ауруханаға келеді. Барлығы 280-нен астам осындай балғындарды құттықтау жоспарлануда.
Мерекені «Салауатты Азия» онкологиялық ауруларды қолдау қоры және өз еркімен қол ұшын созған абзал азаматтар ұйымдастырды.
