Алматыда Отан қорғаушы күніне және Жеңіс күніне арналған фильмдердің қайырымдылық көрсетілімі болады
АЛМАТЫ. 1 мамыр. ҚазАқпарат - Алматы қаласының әкімдігі 6-10 мамыр аралығында Отан қорғаушылар күні мен Жеңіс күніне арналған деректі және көркем фильмдердің қайырымдылық көрсетілімін өткізеді, деп хабарлады қала әкімінің баспасөз қызметі.
Бағдарламада - «Жұлдыз», «Полктастар», «Мәншүк туралы ән», «Маршал Жуков», «Жеңістің жұлдызды сағаты», «Мәскеу үшін шайқас», «Тұзды көл жағасындағы үй», «Сталинге сыйлық», «Әке», «Жерұйық», «Соғыс және балалар», «Иванның балалық шағы» сияқты фильмдер көрсетілмек.
Ұйымдастырушылар - «Алматыкино» коммуналдық мемлекеттік мекемесі, «Қазақфильм» АҚ және «Aldongar Productions», «VERSO», «Cinema Hotel Corporation», «Silk Way City Cinema», «Sun Cinema», «Отау Синема» компаниясы, «Star Games» ЖШС жеке компаниялары.
