Алматыда өтетін Қысқы Универсиаданың басталуына 26 күн қалды
АСТАНА. ҚазАқпарат - Алматы универсиадасының басталуына 26 күн қалды. Кешенді сында 12 спорт түрінен жарыстар өтеді. Қазір спорт сарайлары дайын тұр, деп хабарлайды 24.kz.
Балуан Шолақ атындағы кешенде 28 қаңтар мен 7 ақпан аралығында шайбалы хоккейден әйелдер арасындағы ойындар өтеді. Елу жылдық тарихы бар спорт сарайы 2010 жылы күрделі жөндеуден өтіп, қысқы Азия ойындарын қабылдағаны белгілі. Кіші сырғанау аренасында 3-7 ақпанда шорт-трек шеберлері универсиада медальдарын сарапқа салады.
