Алматыда полицейлер «Контрафакт» жедел-сауықтыру шаралары кезінде заңсыз айналымнан 8 мыңнан астам порнографиялық өнімді тәркіледі
АЛМАТЫ. Тамыздың 17-сі. ҚазАқпарат /Ерлік Ержанұлы/ - Алматы қаласының полицейлері бүгін «Контрафакт» жедел-сауықтыру шараларының қорытындысын шығарды,
деп хабарлайды ҚазАқпарат.
Тамыздың 10-ы мен 15-і аралығында өткен республикалық бұл шара кезінде олар заңсыз айналымнан 8 мыңнан астам порнографиялық өнімді тәркіледі. Қалалық ішкі істер департаментінің қылмыстық полиция басқармасының бөлім бастығы Александр Нежинскийдің айтуынша, олар айналымнан 8 мыңнан астам заңсыз жолмен әзірленген DVD дискілерді алған. Заң бұзушылардың басым бөлігі базарларда ұсталып отыр. Олардың көпшілігі республиканың әр қиырынан келген азаматтар. Қазір тәркіленген өнімдер бойынша тергеу жұмыстары жүріп жатыр.
