Алматыда полиция көлігі алып жүрген кортеж видеоға түсіп қалды
АСТАНА. КАЗИНФОРМ - Instagram желісінің zhest_kz парақшасында Алматыда полиция машинасына ілескен ерекше кортеж видеосы жарияланды.
Видео авторы мұндай қызметтің қанша теңге тұратынын білгісі келіп, қызығушылық танытты. Қолданушылар полиция көлігі перзентханадан шыққан әйелді алып жүр деп топшылады. Көліктердің бірінде: «Қымбаттым, ұл сыйлағаныңа рахмет!» деген жазу бар.
Қолданушылардың айтуынша, полицияның мұндай қызметі толық заңды және оның құны 520 мың теңге. Көліктер легі «Алтын орда» базары маңында түсірілген.
