Алматыда «Президент Жолдауын жүзеге асыру барысын жариялаудағы ақпараттық жұмыс технологиясының ерекшеліктері» деп аталатын дөңгелек үстел жиыны өтті
Оны Мәдениет министрлігінің қолдауымен Қазақстан гуманитарлық-саяси конъюнктура орталығы ұйымдастырған болатын. Бұл жиынға саясаттанушылар, ғалымдар, тәуелсіз және мемлекеттік ғылыми-зерттеу орталықтары мен сараптамалық құрлымдарының өкілдері қатысты.
"Елбасы халыққа арнаған "Жаңа онжылдық-жаңа экономикалық өрлеу Қазақстанның жаңа мүмкіндіктері" деп аталатын Жолдауында ел дамуының қорытындысын жасады және болашаққа арналған мақсат-мүдделерді айқындады. Оны жүзеге асыру жан-жақты ақпараттық жұмысты талап етеді. Бұл шара қатысушылардың кең ауқымын, оның ішінде мемлекеттік және мемлекеттік емес институттарды да қамтиды", дейді Қазақстан гуманитарлық-саяси конъюнктура орталығының президенті Есенжол Алияров. Оның айтуынша, бұл жиында Жолдаудың негізгі бөлімдері талданып, Қазақстанның ақпараттық кеңістігінің жағдайы мен оның даму мүмкіндіктері қарастырылады. Сондай-ақ мемлекеттік институттармен жасалатын ақпараттық үрдіс пен ақпараттық контенттің сапасы, БАҚ-пен жұмысты ұйымдастыру бойынша тәжірибелік әдістемелердің жай-күйі және даму тәсілдері талқыланды.