Алматыда Retro Car көрмесі ашылды
АСТАНА. ҚазАқпарат - Алматыда Retro Car көрмесі ашылды.Алматы қаласының мың жылдық мерейтойына арналған VILLA RETRO CAR III халықаралық көрмесі мен классикалық автомобильдер раллиі Астана алаңында өтуде.
Онда алматылықтар мен қала қонақтары Қазақстан мен басқа да елдердің коллекционерлері қолындағы классикалық автомобильдердің сирек түрлерін көре алады. Сондай-ақ көрермендер Александр Беляков жетекшілік ететін эстрадалық-симфониялық оркестр мен Қазақстанның ұлттық черлидринг федерациясының өнерін тамашалай алады.
Түсте ралли басталды, оған Ресейден келген 10 экипаж да қатысуда. Барлық көліктер VILLA Boutiques & Restaurants көпдеңгейлі кешен аумағында мәре сызығын кесіп өтетін болады. 
