Алматыда сауда үйінің жертөлесінен өрт шықты
АЛМАТЫ. ҚазАқпарат - Алматыда «Жанна» жиһаз үйінің жертөлесінде өрт шығып, келушілердің барлығы сыртқа шығарылды. Бұл туралы қалалық ТЖД баспасөз хатшысы Сандуғаш Баймұхамбетова хабарлады.
Оның айтуынша, өрт кеңсе техникасынан тұтанған. «Шұғыл хабарлама сағат 16.40-та түскен. Ғимарат іші қалың қою түтінге толып, өрт сөндірушілер барынша қауіпсіздік маскаларымен іштегі адамдардың бар- жоғын анықтап шықты. Нәтижесінде 70 адам сыртқа шығарылды. Өрт 17.00-де өшірілді», - деді ол.
Тілсіз жау салдарынан жапа шеккендер жоқ.
