Алматыда сегіз жасар бала жоғалып кетті
АЛМАТЫ. ҚазАқпарат - Алматыда сегіз жастағы балаға іздеу салынды, деп хабарлайды ҚазАқпарат тілшісі.
Оқушының жоғалғаны туралы ақпаратты әлеуметтік желіге волонтерлер жариялады.
Гүлнар Агееваның айтуынша, 20 қазанға қараған түні ата-анасы ұйықтап жатқанда бала үйден кетіп қалған.
«Бала үстіне қара спорт шалбарын, аю бейнеленген сұр жемпір және қара-жасыл камуфляж өрнегі бар күрте киген. Бойы - 140 см, дене бітімі орташа» делінген хабарламада.
Оның Наурызбай батыр, 26/1 (Мақатаев бұрышы) мекенжайындағы үйден шыққаны белгілі болды.
Алматы қалалық полиция департаментінің мәліметінше, бала әлі табылған жоқ. Іздеу шаралары жүргізіліп жатыр.
