Алматыда шағын футболдан балалар арасында «Қайрат кубогы» турнирі болды

АЛМАТЫ. 5 наурыз. ҚазАқпарат - Алматыда 3-4 наурыз күндері шағын футболдан 2003-2004 жылдары туған балалар арасында «Қайрат кубогы» турнирі өтті. 

Ақтық сында өз тобында үздік шыққан  «Қайрат-2003» пен «Қайрат-1» командалары кездесті. Бұл ойында іріктеу сынында «Қайрат-2» командасын 5:0, ал «СДЮШОР-2» командасын 7:0 есебімен ойсырата ұтқан «Қайрат-2003» қарсыласына 3:4 есебімен есе жіберді. «Қайрат» шағын футбол клубының стадионында өткен  бұл дүбірлі додаға 6 команда қатысқан болатын.