Алматыда Шөкин көшесінің бір бөлігі төрт айға жабылады

АЛМАТЫ. ҚазАқпарат - Алматыда жылу желілерін қайта құру кезінде Ш. Шөкин көшесінің бір учаскесіндегі жол жабылады, деп хабарлайды ҚазАқпарат тілшісі.

«Алматы жылу жүйесі» кәсіпорнының мәліметінше, 24 мамырдан 20 қыркүйекке дейін Шапық Шөкин көшесінің бойында Қарасай батыр көшесінен Райымбек даңғылына дейін автокөлік қозғалысы тоқтатылады.

«Уақыт шектеулері осы көше сегментінің жүріс бөлігінің астында өтетін магистральдық құбырды жоспарлы ауыстырумен байланысты. Жергілікті тұрғындарға қолайлы жағдайды сақтау үшін үйлерге ыстық су уақытша схема бойынша берілетін болады» - делінген хабарламада.