Алматыда Субару апатқа ұшырады: ішіндегі 3 ер адам мас болған
АЛМАТЫ. ҚазАқпарат - Алматыда Субару көлігі апатқа ұшырады, деп хабарлайды ҚазАқпарат тілшісі.
Жол апаты Бөкейханов көшесінің бойында болған. Бұл көшеде тек оңтүстік бағытта жүруге рұқсат берілген. Куәгерлердің айтуынша, Субару солтүстік бағытпен келген. Оң жаққа бұрылған кезде жүргізуші рөлге ие бола алмай қалып, жарықтандыру бағанын соққан. Көліктің арт жағы өзен қоршауын майыстырып тоқтады.
Куәгерлердің айтуынша, көлікте 3 ер адам болған. Үшеуі де мас болған. Әзірге кімнің рөлде отырғаны белгісіз.
Жедел жәрдем 1 жігітті ауруханаға алып кетті.
