09:55, 10 Маусым 2021 | GMT +6
Алматыда Сүйінбай көшесіндегі көлік қозғалысы шектеледі
АЛМАТЫ. ҚазАқпарат - Алматыда Сүйінбай көшесінің бір бөлігі уақытша жабылады, деп хабарлайды ҚазАқпарат тілшісі.
Алматы қалалық мобильдік басқармасының мәліметінше, уақытша жабылған көшенің бір бөлігінде жол жөндеу жұмыстары жүргізіледі.
«10 – 15 маусым аралығында таңғы сағат 8:00 -ден кешкі сағат 19:00-ге дейін Сүйінбай көшесі Рысқұлов даңғылынан Баянауыл көшесіне дейін көлік қозғалысы уақытша ішінара шектелетін болады»,- деп хабарлады Алматы қалалық мобильдік басқармасы.
Басқарма келтірілген қолайсыздық үшін алматылықтардан кешірім сұрайды.
Сонымен қатар, жүргізушілерге жол жүру бағытын алдын ала жоспарлауға кеңес береді.