Алматыда "Технологияларды коммерциализациялдау" жобасының тұсаукері жасалды
деп хабарлайды ҚазАқпарат.
"Шетелде компаниялар инновацияға өз табысының 30-40 пайызын жұмсайды. Оның көлемі әр елдің әл-ауқатына, экономикалық дамуына байланысты әртүрлі. Қазақстанда бұл өте төменгі деңгейде. Сондықтан білім және ғылым министрлігі мен Бүкіләлемдік банктің бұл жобасы жүзеге асқаннан кейін бізде де 30-40 пайыз болады деп мен айта алмаймын", дейді білім және ғылым вице-министрі Махметғали Сарыбеков. Оның айтуынша, министрліктің бастамасымен жүзеге асырылып жатқан бұл жобаның мақсаты еліміздегі коммерциялық мәні бар озық ғылыми зерттеулер мен әзірлемелерді көрсету. Ол ғылыми-зерттеу және тәжірибелік-құрылымдық жұмыстарды (ҒЗТҚЖ) қайта қалпына келтіруге, дамытуға, құрылымдауға, сондай-ақ оларды ұлттық және халықаралық технологиялар нарығымен байланыстыруға көмектесу. Жоба жүзеге асқан кезде қазақстандық ғылым отандық және шетелдік өндірістік өнеркәсіптермен тығыз байланыстар орнатады. Ғылыми-зерттеу қызметтері халықаралық ғылыми қоғамдармен пәнаралық және мәселелі-бағыттық негізде іске асыратын болады.
Жалпы құны 75 миллион АҚШ долларын құрайтын бұл жобаның 61,6 миллионы Үкіметтен, ал 13,4 миллионы Бүкіләмдік банктің заемымен қаржыландырылмақ. Қарыз 5 жылдық жеңілдікпен 15 жыл мерзімге беріледі. Бұл жоба 3 құрамнан тұрады. Біріншісі, Қазақстаның ғылыми базасын нығайту үшін бәсекеге қабілетті бағдарламалық-гранттардан, жоғары сапалы ҒЗТҚЖ және заманауи құралдармен жабдықталған орталықты қолдаудан. Екіншісі, қазақстандық ғалымдарды жергілікті және халықаралық технологиялар нарығымен байланыстыратын Технологияларды коммерциализациялау кеңсесі. Үшіншісі, жобаны іске асыратын Жобаны басқару тобын құру.