Алматыда «Ұлттық мәдениет және өнер» форумы өтеді
АЛМАТЫ. Қарашаның 24-і. ҚазАқпарат /Нәзира Елеухан/ - Алматыда Қ. Қожамияров атындағы Республикалық ұйғыр театрында желтоқсан айының 11-і күні Қазақстан Республикасының Тәуелсіздік күніне арналған «Ұлттық мәдениет және өнер» форумы өтеді,
деп хабарлайды ҚазАқпарат.
Аталмыш шара Қазақстан халқы Ассамблеясының бастамасымен, «Этнос-Форум» қоғамдық қоры және «НефтеГазДем» зейнетақы қорының ұйымдастыруымен өтпек.
Форумның негізгі мақсаты этносаралық қарым-қатынасты нығайту және көркемөнерпаздар ұжымдарының шығармашылық белсенділігін арттыру. Форум аясында этно-мәдени орталықтарының қатысуымен шығарылған күнтізбелердің тұсаукесері болады.
