Алматыда үйлердің біріне бомба қойылғаны туралы хабарлама түскен
АЛМАТЫ. ҚазАқпарат – Алматыда тұрғын үйлердің біріне бомба қойылғаны туралы хабарлама жалған болып шықты, деп хабарлайды ҚазАқпарат Рolisia.kz телеграм каналына сілтеме жасап.
«14 қыркүйек күні сағат 23:45 шамасында Медеу аудандық ПБ-ның кезекші бөліміне Алматы қаласының Жамбыл көшесіндегі үйлердің бірінде бомба қойылғаны туралы хабарлама келіп түскен. Бұл дерек Қазақстан Республикасы ҚК-нің 273-бабында көзделген қылмыс негізінде тіркелді. Оқиға орнына қаланың арнайы және жедел қызметтері жіберілді. Ешқандай жарылғыш зат табылған жоқ. Тергеу жүргізіліп жатыр», - делінген ресми хабарламада.
