Алматыда VI қазақстандық мектеп оқушыларының «Зерде» республикалық байқауының ақтық кезеңі өтеді

Оны Қазақстан Республикасының Білім және ғылым министрлігінің «Дарын» республикалық ғылыми-тәжірибелік орталығы Алматы қаласы Оқушылар сарайымен бірлесе ұйымдастырып отыр. Байқаудың мақсаты балалардың танымдық қызығушылықтары және зияткерлік-шығармашылық әлеуетін ынталандыруға бағытталған.

Байқаудың алдына қойылған өзіндік міндеттемелері бар. Соның негізінде, оқушыларды мектеп жасынан ғылыми ізденіс жұмыстарына тарту, ғылыми-техникалық және зияткерлік шығармашылыққа қабілетті дарынды балаларды қолдау және басқа да мәселелерді қолға алуды көздейді.

Шараға 300-дей оқушы қатысқалы отыр. Олар қазақ тілі мен әдебиеті, орыс тілі мен әдебиеті, информатика-математика, физика-техника, медицина, тарих-этномәдениеттану, биология-химия-экология, география-өлкетану секциялары бойынша сынға түседі.

Байқау қорытындысында жеңімпаздар әр секция бойынша 1-4-сынып оқушылары және 5-7-сынып оқушылары болып 2 жас ерекшіліктеріне байланысты анықталады. Жеңімпаздар дипломдар және жүлделі сыйлықтармен марапатталады.

Ал байқау қорытындысы бойынша кіші топтың үздік жұмыстары мектепке дейінгі және бастауыш сынып оқушыларының зерттеу жұмыстары мен шығармашылық жобасы «Мен - зертеушімін» бүкілресейлік байқауына ұсынылады.