Алматыда волейболдан әйелдер командалары арасындағы Қазақстан кубогы жарысының алғашқы кезеңі аяқталды
АЛМАТЫ. Қыркүйектің 1-і. ҚазАқпарат /Ерлік Ержанұлы/ - Кеше Алматыда волейболдан әйелдер командалары арасындағы Қазақстан кубогының алғашқы кезеңі аяқталды, деп хабарлайды ҚазАқпарат ҚР Волейбол федерациясына сілтеме жасап.
Үш күнге созылған алғашқы кезеңнің қорытындысында ширек финалға жолдама алған 4 команданың аты белгілі болды. Бұл сайыста "Қарағанды" бірінші, "Металлург" (Теміртау) екінші, "Шығыс-СвинецСтрой" (Өскемен) үшінші, "ЦСКА-Алматы" (Алматы) төртінші орын алды. Енді қазанның 1-9 күндері Талдықорғанда өтетін Қазақстан кубогының ширек финалдық ойындарында бақ сынайды. Онда олардың қатарына Ұлттық лигадан Алматы облысының "Жетісу", Павлодар облысының "Ертіс-Қазхром" және Алматы мен Астананың қалаларының аттас командалары қосылады.
