15:58, 29 Сәуір 2021 | GMT +6
Алматыда заңсыз салынған ірі көлік жуу нысаны сүрілді
АЛМАТЫ. ҚазАқпарат - Алматыда заңсыз салынған ірі көлік жуу нысаны сүрілді. Бұл туралы қала құрылысын бақылау басқармасы мәлім етті, деп хабарлайды ҚазАқпарат тілшісі.
Сот шешімімен №1 шағынауданы 95А, мекенжайында орналасқан көлік жуу орны бұзылды.
«Жоспардан тыс тексеру кезінде №1 шағынауданы 95А, мекенжайында 22х9 және 4х5 метр жер учаскесінде рұқсатсыз құрылыс жүргізілгені анықталды. Біз бірден сотқа ӘҚБтК-нің 319-бабы бойынша (Өндiрiстiк, тұрғын үй, шаруашылық, гидротехникалық (су шаруашылығы) немесе тұрмыстық объектiлердi жерге тиісті құқықсыз заңсыз салу) бойынша талап-арыз бердік. Мамандандырылған ауданаралық әкімшілік сотының шешімі бойынша талап арыздар толығымен қанағаттандырылды», - деп хабарлады басқармадан.
Алматы қалалық Әділет департаментінің қызметкерлері сот шешімін орындай отырып, нысанды бұзды.