Алматыда жалған кәсіпкер мемлекетке 144 миллионнан астам теңге шығын келтірген - қаржы полициясы
АЛМАТЫ. Ақпанның 23-і. ҚазАқпарат - Алматыда кәсіпкер төрт жалған кәсіпорын құрып, мемлекетке 144 миллионнан астам теңгенің шығынын келтірген,
деп хабарлайды Алматы бойынша Экономикалық қылмысқа және сыбайлас жемқорлыққа қарсы күрес департаментінің баспасөз қызметінен.
Б., деген кәсіпкер «Самал ХХІ ғасыр», «Мадияр 2003», «Тараз-Байтерек Group» және «Әлем Эксклюзив Құрылыс» жауапкершілігі шектеулі серіктестерін құрған. Әлгі азаматтың салық төлемеу түрінде мемлекетке келтірген шығыны 144,1 миллион теңгені құрап отыр. Оның үстінен ҚР Қылмыстық кодексінің 192-ші бабы бойынша (жалған кәсіпкерлік) қылмыстық іс қозғалып отыр, деп хабарлады департаменттен.
