Алматыда жалғызбасты зейнеткерлер мен мүгедектерге қайырымдылық көмек көрсетілді
АЛМАТЫ. 27 қазан. ҚазАқпарат - Алматының Алатау ауданында Құрбан айт пен қарт адамдар айлығының аясында кеше 154 жалғызбасты зейнеткерлер мен мүмкіндігі шектеулі адамдарға қайырымдылық көмек көрсетілді.
Арнайы мерекелік шарада оларға азық-түлік пакеттері беріліп, концерт ұйымдастырылды. Салтанатты шараның қатысушылары би билеп, ән айтты.
Аталмыш шараны Алатау аудандық халықты әлеуметтік қорғау бөлімі мен «Қамқоршы» мүгедектерді қолдау қоғамдық қоры ұйымдастырды.
Алатау ауданы Алматыдағы ең жаңа әрі шет аймақта орналасқан аудан. Ол 2008 жылы құрылған.
