Алматыда жаңа бағытта троллейбус жолға шығады
АЛМАТЫ. ҚазАқпарат - Алматыда 26 сәуірден бастап жаңа бағытта №6 троллейбус жолға шығады, деп хабарлайды ҚазАқпарат тілшісі.
«АлматыЭлектроТранс» компаниясының мәліметіше, жаңа бағыт мына жолмен қатынайды: Алматы-2 теміржол вокзалы - Абылай-хан - Абай даңғылы – С.Сейфуллин даңғылы – Қ. Сәтпаев - Щепетков - Шаляпин – Б.Момышұлы көшесі – «Ақсай-3».
Қарама-қарсы бағытта: «Ақсай-3» - Төле би көшесі - Саин – О.Жандосов – Қ.Сәтпаев -С. Сейфуллин - Абай даңғылы - Абылай хан - Алматы-2 теміржол вокзалы.
Жаңа бағыт бойынша жұмыс күндері - 12 , демалыс күндері 8 троллейбус қатынайды.
