Алматыда жаңа жылдық отшашудан 43 адам жапа шекті
АЛМАТЫ. ҚазАқпарат - Алматыда жаңа жылдық отшашудан 43 адам жапа шекті. Олардың 22-сі балалар. Бұл туралы қалалық Денсаулық сақтау басқармасының бас хирургы Нұржан Исабеков мәлім етті.
«Салют жарықшағынан жапа шеккендердің көбі қол, дене, бет жарақатымен түскен. 22 баланың 6-ы ауруханаға жатқызылды. 4 ересек адам офтальмология бөлімшесінде жатыр. Сондай-ақ, Шымбұлақ, Медеу мұз айдынында жапа шеккен 84 адам дәрігерлердің көмегіне жүгінді. Олардың көпшілігі жабық тән жарақатын алған, жұмсақ тіндері соғылған. 1 бала жабық бас ми жарақатымен ауруханаға түсті», - деді бас хирург Н.Исабеков.
