Алматыда жапон тауарларының арзан дүкені ашылды
АЛМАТЫ. ҚазАқпарат - Алматыда Miniso белгілі жапон брендінің франшизасымен 2 дүкен ашылды. Сауда орындарының ерекшелігі ішіндегі тауарлардың көпшілігінің құны 900 теңгеге жетпейді.
Қалалық кәсіпкерлік пен индустриалды-инновациялық даму басқармасының хабарлауынша, жаңа нысандар «Апорт» пен «Максима» сауда орындарында орналасқан.
Қаңтарда аталған брендтің дүкендері Астанада ашылмақ.
Әлемдік ритейлер косметика, электронды құралдар, тұрмыстық химия, ыдыс-аяқ сатумен айналысады. Айта кету керек, тауарлардың көпшілігінің құны 900 теңгеден аспайды.
Басқармадан хабарлағандай, Алматыда қазіргі таңда шетелдік компаниялардың қатысуымен 14 мың компания жұмыс істеп келеді.
100-ге тарта елдің бренді Алматы тұтынушыларына таныс.
Сондай-ақ, келер жылы әлемге белгілі екі қонақ үй салынады. Белгілі неміс брендінің гипермаркеті ашылады. Сонымен қатар, бірқатар ритейлерлермен келіссөздер жүргізілуде.
