Алматыда жол апатынан 6 адам жарақат алды

АЛМАТЫ. ҚазАқпарат - Алматыда жол апатынан 6 адам, оның ішінде 4 бала жарақат алды, деп хабарлайды ҚазАқпарат тілшісі.

Жол апаты Алматы-Бішкек тас жолының 20 шақырымында болған.

Lexus көлігі батыс бағытта келе жатқан. Куәгерлердің айтуынша, шығыс бағытта келе жатқан BMW жүргізушісі көлік тізгінінен айрылып қалған. Cоның салдарынан қарама-қарсы бағытта келе жатқан Lexus көлігінің артқы бүйрінен соққан. Соққыдан BMW көлігінің жүксалғышы шашылып қалды. Lexus бір бүйіріне қисайып барып, ағашқа соғылды.

Жол апатынан 6 адам, оның ішінде 4 бала зардап шекті.

Балалардың барлығы Lexus көлігінде болған. 6 адам жақын арадағы ауруханаға жеткізілді.