Алматыда жол қиылыстарының бірінде көлік қозғалысы шектеледі
АЛМАТЫ. ҚазАқпарат – Алматыда жол қиылыстарының бірінде көлік қозғалысы ішінара шектеледі, деп хабарлайды ҚазАқпарат.
Алматы қаласының энерготиімділік және инфрақұрылымдық даму басқармасының хабарлауынша, 2020 жылғы 23 қараша күні сағат 08:00-ден 2020 жылғы 3 желтоқсан сағат 08:00-ге дейін Төле би және Өтеген батыр көшелерінің қиылысында жол жартылай жабылады. Уақытша шектеулер осы сегменттің жүріс бөлігінің астынан өтетін магистральды құбырларды жоспарлы ауыстыру үшін енгізіледі.
