Алматыда жүк көлігі апатқа ұшырады
АЛМАТЫ. ҚазАқпарат - Алматыда курьер көлігі талға соғылды, деп хабарлайды ҚазАқпарат тілшісі.
Жол апаты Сүйінбай көшесінің бойында болған. Төмен қарай келе жатқан жүк көлігінің жүргізушісі Хмельницкий көшесінен аса бере рөлге ие бола алмай қалып, жол бойындағы талға соғылған. Соққыдан жүргізуші жапа шегіп, оны жедел жәрдем ауруханаға алып кетті.
Жол оқиғасының мән жайын полиция тексеріп жатыр.
