Алматыда жүк көлігінің тіркемесі жаяу жүргіншілер өткеліне тіреліп қалды

АЛМАТЫ. ҚазАқпарат – Алматыда жүк көлігінің тіркемесі жаяу жүргіншілер көпіріне соғылып, жол қозғалысына кедергі келтірді, деп хабарлайды ҚазАқпарат тілшісі.

Оқиға бүгін сағат 14:50-де Рысқұлов даңғылы бойында болды. Бұл туралы Алматы қалалық полиция департаменті Анықтау басқармасының бастығы Олжас Шәріпов мәлімдеді.

«Тіркемесі бар «Вольво» көлігінің жүргізушісі А. есімді азамат Рысқұлов даңғылымен батыс бағытта келе жатып, жаяу жүргіншілер өткеліне соғылады. Көпір құрылымы зақымдалды. Материалды Жетісу аудандық полиция басқармасының қызметкерлері тіркеді. Оқиғаның мән-жайы анықталып жатыр», - деп хабарлады Олжас Шәріпов.

Айта кетейік, жол апатының видеосы әлеуметтік желіде тарады.

Видеодан алынған кадр / youtube.com/@kazinform