Алматыдағы №307 жабық сайлау учаскесінде дауыс беру аяқталды
АЛМАТЫ. ҚазАқпарат - Педиатрия және балалар хирургиясы ғылыми орталығында орналасқан №307 жабық сайлау учаскесінде дауыс беру аяқталды, деп хабарлайды ҚазАқпарат тілшісі.
«Клиникада ем алып жатқан балалардың ата-аналары өз таңдауын жасап, дауыс берді. Сайлау учаскесінде барлығы 160 адам таңдауын жасады. Сайлау процесін байқаушылар қадағалады. Қазіргі уақытта учаскелік сайлау комиссиясы дауыстарды санауға кірісті»,- деп хабарлады орталықтың баспасөз қызметі.
Дауыс беру таңғы 7-де басталып, сағат 11.00-де аяқталды.
Айта кетейік, Қазақстанда ҚР Парламенті Мәжілісі мен мәслихат депутаттарының сайлауы өтіп жатыр.
