Алматыдағы 9 қабатты үйде болған өрт кезінде үш пәтердің балконы жанып кетті
АЛМАТЫ. ҚазАқпарат - Алматыдағы 9 қабатты үйдің өртенуіне байланысты қосымша мәлімет белгілі болды, деп хабарлайды ҚазАқпарат тілшісі.
Қалалық ТЖД баспасөз хатшысы Сандуғаш Баймұхамбетованың айтуынша, 9 қабатты үйдің 6-7-8 қабаттарындағы пәтерлердің балкондары өртенді. Сондай-ақ, жалын үйдің қасбетін зақымдап, барлығы 50 шаршы метр аумақты шарпыған.
«Өрт сөндірушілер арнайы аппаратты пайдалана отырып, үйдегі барлық адамдарды алып шықты. Барлығы 50 адам қауіпсіз жерге шығарылды», - деді С.Баймұхамбетова.
Айта кету керек, Қабанбай 138 мекенжайы бойынша пәтер өртеніп жатқаны туралы хабарлама сағат 13:25-те түскен. Өрт сөндірушілер оқиға орнына сағат 13:33-те жетті.
Жүргізілген шаралардың арқасында өртті сағат 13:58-де ауыздықтап, 14:08-де өшіру мүмкін болды.
