Алматыдағы кәсіпорындар индустриялық аймаққа көшіріледі – Асқар Әмрин
Сессия барысында депутаттар қала басшылығына өз сұрақтарын қойды.
«Тұрғындарды толғандыратын мәселенің бірі – қаламыздың ішінде орналасқан ірі өнеркәсіптер. Соларды қаланың сыртына шығару керек. Өзіңіз білетіндей, Түрксіб, Жетісу аудандарында «Темірбетон», сондай ақ басқа да кәсіпорындар санитарлық норма сақтамай, тұрғын үйлерге жақын орналасқан. Осы мәселеге байланысты қаламыздың бас жоспарында қандай жұмыстарды жүргізу жоспарлануда?»,- деп сұрады депутат Дастан Жантелиев.
Асқар Әмрин аталған мәселе әкімдік бақылауында екенін жеткізді.
«Бұл сұрақ біздің бақылауымызда, оны шешу мақсатында бірқатар іс-шара жоспарланған. Биыл «Солтүстік» полицентрінің мастер-жобасы әзірленеді. Оның ішінде индустриялық аймаққа көшіруі қарастырылған. Қаңтар айында агломерацияны дамыту туралы заңы шықты, заңға сәйкес агломерация кеңесі құрылып жатыр. Кеңес кәсіпорындарды индустриялық аймаққа және агломерациясының аумақтарына көшуі қарастыратын болады»,- деп жауап берді қала әкімінің орынбасары.