Алматыдағы пиццериядан жарылғыш зат табылмады - полиция
АЛМАТЫ. ҚазАқпарат - Алматыда қоршауға алынған пиццериядан жарылғыш зат табылмады. Бұл туралы ҚазАқпарат тілшісіне қалалық Полиция департаментінің ресми өкілі Салтанат Әзірбек айтты.
«Жарылғыш зат қойылғаны туралы ақпарат расталмады. Қалалық полицияның тергеу басқармасы ҚР ҚК 273-бабы бойынша сотқа дейінгі тергеу жұмыстарын жүргізіп жатыр», - деді Салтанат Әзірбек.
Еске салсақ, бүгін Шаляпин мен Алтынсарин көшелерінің қиылысындағы пиццерияның қоршауға алынғаны туралы хабарлаған болатынбыз.
