Алматыдағы ұшақ апаты: Қостанайда шұғыл желі іске қосылды
ҚОСТАНАЙ. ҚазАқпарат – Алматы маңында құлаған ұшақ апаты бойынша Қостанайда шұғыл желі іске қосылды, деп хабарлайды ҚазАқпарат облыстық Төтенше жағдайлар департаментіне сілтеме жасап.
Еске салсақ, Радардан жоғалып кеткен «Бек Эйр» әуе компаниясының ұшағы апатқа ұшырағаны мәлім болды. Ұшақ бортында 95 жолаушы, 5 экипаж мүшесі болған.
«Қостанай облысының Төтенше жағдайлар департаменті 8 (7142) 50-36-24 «Жедел желісін» іске қосты. Ақпараттық-түсіндірме жұмыстарын жүргізу және шұғыл психологиялық көмек көрсету үшін «102» телефоны жұмыс істеп тұр. Сондай-ақ, психологтар қызмет көрсетуге дайын», - деді ведомствоның баспасөз қызметіндегілер.
Айта кетейік, Ақорданың ресми сайтында Қазақстан Республикасында жалпыұлттық аза тұту күнін жариялау туралы Жарлық шықты.
