Алматыдағы жол апаты: Бір адам мерт болып, үшеуі ауруханаға түсті

АЛМАТЫ.ҚазАқпарат - Алматы қаласында Рысқұлов пен Емцов көшесінің қиылысында жол апаты болып, бір адам қаза тапты, деп хабарлайды ҚазАқпарат тілшісі.

БМВ көлігі Рысқұлов көшесімен батыс бағытқа келе жатқан. Ал Емцов көшесінің тұсында шығысға бет алған Тойота көлігі Емцов көшесіне, солға бұрылмақ болған. БМВ оның бүйірінен келіп соққан. Қатты соққыдан Тойота ішіндегі жолаушы мерт болып, жүргізушісін ауыр халде жедел жәрдем алып кетті. Сондай-ақ, БМВ көлігіндегі екі жолаушы да ауруханаға жеткізілді.