Алматыдан 254 шақырым жерде жер сілкінісі тіркелді

АСТАНА. 1 мамыр. ҚазАқпарат - ҚР БҒМ Ғылым комитетінің «Сейсмологиялық тәжірибелік-әдістемелік экспедициясы» мемлекеттік мекемесінің сейсмикалық стансалары желісі 2013 жылғы 1 мамырда Алматы уақытымен 01 сағат 37 минут 27 секундте (Гринвич бойынша 2013 жылғы 30 сәуірде 19 сағат 37 минут 27 секунд) жер сілкінісін тіркеді.

Бұл туралы ҚР БҒМ Ғылым комитетінің «Сейсмологиялық тәжірибелік-әдістемелік экспедициясы» мемлекеттік мекемесінің сайтында хабарланды.

Жер сілкінісінің кіндігі Қытай аумағында Алматыдан оңтүстік-шығысқа қарай 254 шақырым жерде болды. Жер сілкінісінің энергетикалық класы 9,7. MPV тербелісі 4,2. Зілзала ошағының координаттары солтүстік ендікте 41.39º, шығыс бойлықта 78.79º. Тереңдігі 0 шақырым. Сезілуі туралы (МSК-64 бағанымен) мәліметтер жоқ.