Алматыдан 265 шақырым жерде 4,5 балдық жер сілкінісі тіркелді
АЛМАТЫ. 11 сәуір. ҚазАқпарат - Бүгін, 11 сәуір күні алматы уақыты бойынша 00 сағат 56 минут 20 секундта (Гринвич бойынша 10 сәуір 2013 жыл 18 сағат 56 минут 20 секунд) «ҚР БҒМ Ғылым комитеті сейсмологиялық тәжірибе-әдістеме экспедициясы» ММ сейсмикалық стансалар желісі жер сілкінісін тіркеген.
Оның ошағы Алматы қаласының оңтүстігінде 265 шақырымда, Қырғызстан мен Қытай шекараларында орналасқан.
Жер сілкінісінің энергетикалық тобы - 9.8. Магнитудасы - MPV 4.5. Тереңдігі 5 шақырым. Сезілу туралы мәлімет (МSК-64 шкаласы бойынша) жоқ.
