Алматыдан 367 км қашықтықта жер сілкінді
АЛМАТЫ. ҚазАқпарат – ҚР Білім және ғылым министрлігіне қарасты «Сейсмологиялық тәжірибе-әдістемелік экспедициясы» ММ сейсмикалық стансалар желісі 24 наурыз күні 19 сағат 14 мин 12 секундта жер сілкінісін тіркеді, деп хабарлайды ҚазАқпарат.
«Зілзала ошағы Алматы қаласынан оңтүстік-шығысқа қарай 367 шақырым жерде, Қытай аумағында орналасқан. Энергетикалық санаты – 10,6. MPV магнитудасы – 4,5. Тереңдігі – 5 шақырым. МSК-64 бағаны бойынша сезілу туралы мәлімет түскен жоқ», - делінген Сейсмологиялық тәжірибе-әдістемелік экспедициясы ақпаратында.
Еске салайық, бүгін Алматы облысының Талдықорған және Текелі қалаларының тұрғындары 2-3 балдық жер сілкінісін сезінген болатын.
