Алматыдан 629 шақырым қашықтықта жер сілкінді
АСТАНА. ҚазАқпарат - «ҚР БҒМ Сейсмологиялық тәжірибе-әдістемелік экспедициясы» мемлекеттік мекемесінің сейсмикалық стансалары 24 қазанда Алматы уақытымен 04 сағат 32 минут 20 секундта жер сілкінісін тіркеді, деп хабарлайды ҚазАқпарат.
Зілзала ошағы Алматы қаласынан оңтүстік-батысқа қарай 629 шақырым жерде Тәжікстан аумағында орналасқан.
Жер сілкінісінің энергетикалық қуаты - 10,0. Тербелісі - 4,5, тереңдігі - 5 шақырым. Жер дүмпуі Алматыда сезілген жоқ.
