Алматыға тағы 21 мың доза вакцина жеткізіледі

АЛМАТЫ. ҚазАқпарат – Алматыға 21 мың доза вакцина жеткізіледі. Бұл туралы қалалық қоғамдық денсаулық сақтау басқармасының өкілі, телемедицина орталығының басшысы Лаура Мырзағали онлайн брифингіде айтты, деп хабарлайды ҚазАқпарат тілшісі.

«1 ақпаннан сәуірге дейін вакцинаның 15 750 дозасы келіп түсті. Бірінші компонент бойынша 100% игерілді. Ревакцинация жүріп жатыр. Екінші компонент бойынша 3 810 адам қабылдады»,- дейді ол.

Сонымен қатар, ол бүгін бастапқы медициналық-санитарлық көмек көрсететін медициналық ұйымдардың қызметі бойынша вакцинаның 4-траншы 21 860 доза бөлінді.

Айта кетейік, қаланың инфекциялық стационарында 2 849 адам ем қабылдап жатыр. Оның 107-сі бала. Аса ауыр жағдайдағы науқастар саны – 45. Өкпені жасанды желдету аппаратында 8 науқас жатыр, өкпені жасанды желдетудің инвазивті емес аппаратында – 58 науқас бар. Жалпы қала стационарларында 5 мыңдай төсек-орын дайындалған.

Кеше коронавирус инфекцияның 515 жаңа жағдайы тіркелген, оның 434-інде воронавирус инфекциясының белгісі бар және 81-і симптомсыз пневмония.