Алматылық альпинистер Жаңа жылды Үлкен Алматы шыңында қарсы алды

АЛМАТЫ. Қаңтардың 3-і. ҚазАқпарат /Ербол Азанбек/ - Алматылық бір топ кәсіби және әуесқой альпинизм спортымен айналысушылар жаңа жылдың келуіне орай дәстүрлі Үлкен Алматы шыңына шығу шарасын өткізді,

деп хабарлайды ҚазАқпарат. Альпинистер бұл шараны биыл 7-ші рет өткізіп отыр.Шараға жыл сайын 40-тан астам адам қатысады. Олардың бұл сапары жаңажылдық маусымды жоспарлау, салауатты өмір салтын насихаттауға бағытталған. Биылғы жылғы шараға Бағлан Жүнісов бастаған кәсіби шыңға шығушылармен қатар, Еркін Қалиев, Нұрлан Смағұлов, Еркін Тәтішев, Сәкен Сейфуллин сынды белгілі кәсіпкерлер қатысты.