Алматылық волейболшы қыздар ел чемпионатында 2-орында келе жатыр
АЛМАТЫ. 9 желтоқсан. ҚазАқпарат /Ерлік Ержанұлы/ - Алматыдағы Октябрь Жарылғапов атындағы спорт кешенінде 3-8 желтоқсанда өткен XIX Қазақстан чемпионатының 2-турында Өскеменің «Шығыс-ҚорғанысҚұрылыс» командасы 33 ұпаймен көш басындағы орнын сақтап қалды.
Алғашқы турда 12 ұпаймен 4-орынды қанағат тұтқан алматылықтар өз алаңында барлық кездесуде жеңіске жетті. Соның арқасында 29 ұпаймен қазір турнир кестесінде 2-орынға шықты. Ал Теміртаудың «Спартак АМТ» (25) мен Қостанайдың «Иволгасы» (24 ұпай) 3-4 орынға сырғыды. Ал Оралдың «Грация-KZ» (23), Қарағанды облсының «Қарарағанды-2» (15), Астананың «Астана-2» (14), Павлодардың «Қазхром» (13), Шымкенттің «Қазығұрт» (4) Алматы облысының «Жетісу-2» ( 0) өз орнын сақтап қалды.
