Алматылық волейболшылар клубтық Азия чемпионатында «Д» тобында көш бастап келеді
АЛМАТЫ. 23 сәуір. ҚазАқпарат -Иранның Тегеран қаласында волейболдан ерлер арасында өтіп жатқан ХIV клубтық Азия чемпионатын Геннадий Паршин жаттықтыратын «алматылықтар» сәтті өткізуде.
«Д» тобында бақ сынап жатқан олар Оманның «Saham» командасын 3:1 (25:22, 23:25, 25:22, 25:19), Жапонияның «Тайота Gosei Trefuerza» командасын 3:0 (25:20, 25:23, 25:20) есебімен ұтты. Бүгін олар енді ақтық ойынын Мальдив чемпионыдарымен өткізуде. Олар бұған дейін жапондықтарға 0:3, омандықтарға 1:3 есебімен ұтылған болатын. Қазір турнир кестесінде «Алматы» 6 ұпаймен бірінші, «Тайота Gosei Trefuerza» мен «Saham» 3 ұпаймен 2-3 орында, ал қоржынында бірде-бір ұпайы жоқ «Мальдив» турнир кестесін түйіндеуде.
Егер «алматылықтар» топтық сында үздік шықса 24 сәуірде Катардың «Al-Rayyan», Өзбекстанның «Өзбектелеком» және Ирактың «South Gas Club» клубтары өнер көрсетіп жатқан «В» тобында 2-ші орын алған, ал 25 сәуірде 1-ші орын алған волейболшылармен кездеседі. Ширек, жартылай және ақтық сындар 27-29 сәуір күндері болады.
