Алматының 320 көшесіне жарық шамдары орнатылды

АЛМАТЫ. ҚазАқпарат– Алматының 320 көшесіне жарық шамдары орнатылды, деп хабарлайды ҚазАқпарат тілшісі.

«Қалалық бюджет 2019 жылы 100% игерілді. Өткен жылы 587 шақырым инженерлік желілер салынды. Бұл - 287 шақырым кәріз құбырлары, 150 шақырым электр желісі, 20 шақырым жылу және 130 шақырым газ желілері. 73 шақырым жол құрылысы аяқталды, 47 шақырым арық реконструкциядан өтті»,- деп хабарлайды қалалық әкімдік.

Мемлекеттік бюджет аясында шамамен 300 мың тұрғынды қамтыған 670-тен астам аула абаттандырылды. Бұрын жарығы болмаған 320 көшеге жарық шамдары орнатылды.