Алматының екі ауданындағы ғимараттарда су болмайды
АЛМАТЫ. ҚазАқпарат – Алматының екі ауданындағы бірқатар ғимаратта бірнеше сағат бойы су болмайды, деп хабарлайды ҚазАқпарат.
«10 наурыз күні Медеу ауданындағы тұрғын үйлер мен өзге де ғимараттарға сағат 9:00-ден 17:00-ге дейін суық су берілмейді. 11 наурыз күні Алмалы ауданында, Мақатаев-Райымбек-Қожамқұлов-Сейфуллин көшелері мен Жетісу ауданының Райымбек – 2-я Гончарная – Қазыбаев – Лобаческий – Ақбаев – Сейфуллин көшелерінің орталығында орналасқан тұрғын үйлер мен ғимараттарға су беру тоқтатылады. Судың берілмеу себебі жаңа су құбыры желісінің қосылуына байланысты қолға алынып отырған шара»,-деп хабарлады. «Алматы су» МҚК өкілдері.
Компания өкілдерінің айтуынша, су беру тоқтатылған кезде денсаулық сақтау, білім беру сияқты өзге де әлеуметтік сала ғимараттарына су автоцистерналармен жеткізіледі.
