«Алжир» мұражайында «Азаттықтың азапты жолы» көрме залы ашылды

Залдың шағын болуына қарамастан, мұражай қызметкерлері оған «Ашаршылық азасы», «Атом тозағы», «Тіл мен дәстүр мазағы», «Қуғын-сүргін қасіреті», «Ауған қайғысы» және «Арал апаты» тақырыптары бойынша тарихи дерек-дәйек материалдарын орналастырды. Ал көрме залының төрінде «Ата-баба арманы» айдарымен бүгінгі Тәуелсіз еліміздің жетістіктері жайында баяндайтын стенд ұйымдастырылды. Бұдан басқа, жаңа залда тарихи жәдігерлер мен қолжазбалар қойылып отыр.