Алжирде 5,6 магнитудалы жер сілкінісінен 20 адам жарақаттанды
АСТАНА. ҚазАқпарат - Жұма күні таңертең Алжир астанасы маңындағы жерде 5,6 магнитудалы жер қозғалысынан 20 адам жеңіл жарақат алды. Қауіпсіздік органдарындағы ақпарат көзі айтқандай, адам шығыны жоқ, деп хабарлады ИТАР-ТАСС.
Зілзала орталығы, сейсмологтардың пайымынша, Бологин орамынан солтүстік-шығыстағы 19 шақырым жердегі теңізде болған. Жер сілкінісі туралы хабар Алжир тұрғындарының басым бөлігін алаңдатты.
Зілзала әкелген шығынды анықтау үшін азаматтық қорғаныс күштерінің отрядтары қала аудандарын қосымша тексеруге кірісті.
Жер қозғалысына байланысты Алжир ІІМ дағдарыстық штаб құрды. Оны Тайеб Белаиз басқармақ.
